جيل اللاعبين المحظوظين

 س: ما رأيكم بنظام الأشيفمنت و التروفي؟ هل يهمك وجود هذه الأشياء أم لا؟

شاركنا بإجابتك على السؤال في قسم التعليق و سوف نذكرها نحن في الحلقة القادمة

حيث سنقوم بتسجيلها يوم السبت ٢٧-٧-٢٠١٢ مساءا فبإمكنكم المشاركة قبل ذلك

طلب من المشاركين: يرجى المساعدة بكتابة مشاركاتكم بالعربية حتى يسهل علينا قراءتها للمستمعين بالعربية إن أمكن و شكرا

كونامي تخطط لمستقبل الدوري الياباني arrow-right
Next post

arrow-left Let Us LOL – لول – صور
Previous post

  • شخصيا اول الجيل كنت مهتم فيها و كنت احاول قدر المستطاع اني اطلع اكبر قدر من التروفيز اللي باللعبه و الحصول على البلاتنيوم اذا امكن 

    بس بعد فتره لستة الالعاب صارت طويله فبدت تقل اهمية التروفيز خاصه لمّ بدت العاب قويه (و طويله) بدت تنزل بسرعه فماصار في وقت اني احلل كل لعبه فشوي شوي قلت اهمية التروفيز عندي الى ان صارت مالها معنى حصلت عليها او لأ’ المهم اني استمتع باللعبه و اخلصها بأسرع وقت ما العب من البداية على اصعب مود عشان احصل على التروفي الخاص فيه و ممكن اكره اللعبه بسبتها’ العب على النورمل و طاف ماني مهتم

    في سبب ثاني ادآ الى قلة اهمية التروفيز عندي الا وهو استعباط بعض المطورين في وضع تروفيات تعجيزيه تخليك تحلم انك تحصل على البلاتنيوم اللي اهوه الهدف الرئيسي لك في تحصيل تروفيات اللعبه فإذا في مثلا تروفي اون لاين لازم تكون من التوب 10 عالميا خلال هالاسبوع و انت ماتلعب اون لاين فراح تشيل من راسك انك اتطلع اي تروفي ثاني من باللعبه لان خلاص مارح تحصل على البلاتنيوم فليش إتعب روحك 

  • بوجاسم

    نظام الاشيفمنت او التروفي هو تطور طبيعي لنظام النقاط او الهاي سكور اللي انشهر مع الاركيد
    وجوده في اللعبه ممكن انه يزيد عمر اللعبه بحيث انك بعد ما تخلص كل المراحل ممكن ترجع تلعب مرة ثانية علشان تحصل الاشيفمنت كلها مثلا وهذا يزيد من قيمة اللعبة ( مو السعر) .
    على العموم اذا كان وجوده غير ايجابي فهو بالتأكيد ما يأثر على اللعبة بشكل سلبي

    انا عن نفسي احب هالاحساس اللي وانا العب يطلع لي صوت موسيقي واليدة ليتاتها تتراقص وجراغيات وتصفيق وهرنات كل هذا لاني خلصت التوتوريل اللي اول دقيقتين من اللعبه

    ويعطيكم الف عافية

  • Faihan_alotaibi

     السلام عليكم شباب
    نظام التروفي والاشيفمنت مهم بالنسبة لي لان من وانا صغير كنت اتحدى ربعي واخواني بالهاي سكووور
    وقمت اهتم بالتروفي بشكل كبير عقب ما ضافوه بالبليستيشن 3 لاني كنت اشتري وايد العاب واذا ختمت اللعبة على طول اشتري غيرها وكانت مكلفة خاصتا اول الايام

    بعدين بديت اختم الالعاب اكثر من مرة عشان اطلع كلشي نفس ما كنت اسوي بالعابي المفضلة بالبليستيشن ت2
    نفس سوبر روبوت وغيرهم واول لعبة على البي اس 3 متل قير 4 وختمتها فوق ال8 مرات لكن للاسف ما كان فيها نضام التروفيي
    والحين ما اهد اللعبة الى اذا حاولت كثر ما اقدر اطلع انجازات وانا حاليا صارلي فوق 3 شهور اللعب لعبة 1 معني شاري 5 العاب بس ما لمستهم بسبة البلاتينيووم
    خلاصة الموضوع ان التروفي والاشيفمنت مهم
    ومشكورين

  • يعطيكم العافية
    بوجهة نظري عندي نظام التروفي وايد مهم الحين خاصة إنك تبي تلعب اللعبة تبي تستانس و تحس إن فيها تحدي خاصة هالأيام بعض الألعاب صاروا يركزون عالقصة اكثر من اللعب فا إذا بتستانس باللعبة نفسها لازم في شي يشدك غير التصوير و الرسم و المؤثرات اللي تصير بالbackground و غيرة و غيرة

    حتى الحين اللعبة لما تخلصها و تحصل كل التروفي اللي فيها تحس إنك ختمت اللعبة صح و ما تبي تلعبها مرة ثانية :p

    و اشكركم جزيل الشكر … ترى مو ناسي عزيمة ساكورا ليلحين:p