س: ما رأيك بجهاز الوي يو؟ هل ستقتنيه في يوم إطلاق الجهاز أم ستنتظر حتى وقت آخر؟
شاركنا بإجابتك على السؤال في قسم التعليق و سوف نذكرها نحن في الحلقة القادمة
حيث سنقوم بتسجيلها يوم الأحد ٣٠-٩-٢٠١٢ مساءا فبإمكنكم المشاركة قبل ذلك
طلب من المشاركين: يرجى المساعدة بكتابة مشاركاتكم بالعربية حتى يسهل علينا قراءتها للمستمعين بالعربية إن أمكن و شكرا
8 responses
From what i saw and read, it’s a pretty good console with a reasonable price. As for getting it day 1, i have my golden rule which is never buy the first shipment of anything that just released so, i’ll wait of course.
With that by the time i’ll get one i’ll be having more games to choose from.
أنا عن نفسي راح أشتري الجهاز بدون تفكير أول ما تنزل لعبة زلدا أو سماش غير جذي راح أنطر على الجهاز شوي مثل ما قال Mr. M-A
تعليقي انمسح؟ :/
آسفين عبدالعزيز, ما ندري شنو المشكلة
ممكن تكتب تعليق جديد اذا تبي ^_^
و اذا واجهتك نفس المشكلة مرة ثانية دزلنا ايميل
مو مشكله, بالنسبه لي طاف مو مفكر اشتريه ليمه يعلنون سوني و ميكرو عن اجهزتهم اليديده عشان اقرر اي واحد فيهم باخذه
اذا في شي تعلمته هالجيل اهوه ان اكبر غلط ان يكون عندك اكثر من جهاز العاب و وقت فراغك محدود, لان من كثر ماتحتار شنو تلعب اخرتها بتقط اليده و تسوي شي ثاني
سلام عليكم
1-فكرة الجهاز ابداعيه
2-وايد افكار تقدر اطبقها على الجهاز طبعا المطورين وايد راح يستفدون منه حتى انت لو تفكر فيها تلقا وايد افكار تطبق عى الجهاز من جميع انواع العاب
3-العناوين الى على الجهاز وايد حلوه حتى الي مع الجهاز اول ماينزل تبشر بخير متحمس انا حق هل العاب مثل
Bayonetta 2,Ninja Gaiden 3: Razor’s Edge,The Wonderful 101,ZombiU,Monster Hunter 3 Ultimate
4- الجهاز وايد شركات داعمينه يعني راح انشوف ابداع كابكوم او سكوير او كونامي طبعا نينتندو او شركة زينوبليد اعلنت عن لعبه يديد على الجهاز
5-ان شاء الله راح اشتري لاني وايد متحمسله بس مو اول ماينزل لاني ناطر هل العاب عليه الحين
Bayonetta 2,Ninja Gaiden 3: Razor’s Edge,The Wonderful 101,ZombiU,Monster Hunter 3 Ultimate
بس لوتنزل ثلاث العاب منهم اول ماتنزل اشتري
6- “شكل الجهاز ماراح ايوقف على العاب وانا اقوله ” لايوقف لايوقف لايوقف لايوقف لايوقف لايوقف لايوقف 7-مشكورين او يعطيكم العافيه
السلام عليكم ^_^
انا بشتري الجهاز, بس مو اول ماينزل لانه ماعليه وايد العاب و اغلب الالعاب الي عليه مو حصريه اله جم لعبه.
اللعبه الي متحمستلها zombiu
عشان بجوف شكلي و انا متحوله زومبي :)
غير جذي حرام الواحد يشتريها اول يوم تنزل. نطرو خل تنزل عليها العاب اكثر :)
الموسيقى الي حاطها بالفيديو سامعتها بالفيديو مال الرحاب ههههه تونس
مسألة شراء الجهاز من عدمها منتهي امرها بالنسبة لي
(شاريه .. شاريه .. شاريه … الله لا يعوق بشر )
لكن
موعد اصداره بيتزامن مع الفترة الي انا مقرر فيها اشتري الثري دي اس .. لأني حتى الآن ما شريته
فراح تروح الميزانية على جهاز اكس ال مع عدد لعبتين الى 3 اقل شي
انا ما اعد نفسي من جمهور
ال DAY 1
و المسألة ماهي تخوف او قلق من طبيعة الجهاز
لكن انتظر اشارة تحسسني بنضج الجهاز من ناحية وفرة الالعاب و خلوه من المشاكل التقنية الي ممكن تصيب الدفعة الاولى من الاجهزة
رأيي في الجهاز .. انا نينتندواي الى حد كبير و اكثر اجهزة اقدرها على مدى لعبي خلال العشرين السنة الي مضت هي اجهزتهم
فوش ما تكلمت شهادتي مجروحة
عموماً نينتدو واضح جديتها هالمرة في استقطاب اللاعبين الحقيقين ( ما ابي اقول هاركورز لأن هالمصطلح صاير عائم و يلخبط الناس ) من خلال حصريات و بورتات و على رأساها حاليا و مؤخراً بايونيتا الجديدة
اتطلع اني اجربه عند اي شخص من الدائرة الي حوالي بيشتريه في فترة الاطلاق لكن من ناحية الشراء غالباً بانتظر بين ال 3 الى 6 اشهر لا اكثر