اسأل الفريق في برنامج “الديوانية” لتاريخ ٢٨-٩-٢٠١٤

عندي سؤال محير جدا لماذا جمهور البودكاست صغير الحجم جدا رغم جهود الفريق الجبارة ؟
______________________
أتمنى تحاولون توسعون حجم الجمهور بطرق كثير مثلا مسابقات في الشبكات الاجتماعية عن اشياء في البودكاست ومحاولة جذب القيمر اللي في المنتديات الكبيرة مثلadslgate
_____________
@صراحة شيء يقهر بودكاست رائع و متعوب عليه يتقوق عدد subscribers لقناة واحد مراهق
ما له ثلاث شهور عشرين الف وفوق
__________
بالنسبة لي أنا طحت على البودكاست صدفة و أنا اتصفح true gaming قبل حوالي 9 اشهر
و زعلت وايد أنه طافني مثل هذا البودكاست بس الحمد لله عوضت باني سمعت كل حلقات البعد الاخر وقاعد اسمع حاليا الحلقات القديمة من الديوانية
__________
##في النهاية اسف اذا زعلتكم بسؤالي بس و الله من حبي لكم ود الناس تتعرف على
الفريق الرائع و شغله أتمنى لكم التوفيق و النجاح

السلام عليكم
شلونكم و شخباركم يالحبايب؟!
سؤالي اليوم بعيداً عن أجواء الجيمز…سؤالي هو: شنو أكثر شي تخافون منه؟! مثلاً: انا الشي الي شوي يخوفني اهو الحيّه(الأفعى،الثعبان) لان بصراحه لو أشوفها جدامي راح أتوهق و مادري شلون أدشلها و من وين أبلش معاها الموضوع
فإنتوا شنو تخافون منه؟! سواء مخلوق او أي شي بالدنيا…ملاحظه:ترا الخوف مو عيب
و يعطيكم العافيه

السلام عليكم ورحمة الله وبركاته… سؤالي هو

هل تنصحوا أي جيمر بزيارة اليابان؟ لأنه اهتمام اليابان كثير بعالم الالعاب والأنمي.. فهل زيارة اليابان راح اشوف فيها أشياء كثيرة متعلقة بالألعاب سواء محلات ومطاعم وأشياء شاطحة؟. ادري انه أشهر مدينة للانمي والالعاب هي Akihabara.. لكن أسألكم اذا كان عندكم تعمق في الموضوع

وشكرا جزيلا

السلام عليكم شباب ابي نصيحه اشتري ديستني ولا لا حق واحد مايحب فيرست بيرسون وايد مع اني استانست وانا اشوف يعقوب يتمصخر بالستريم :) وهل اهي صعبه حق واحد بس بياخذها وناسه مو لعب احترافي

السلام عليكم ورحمة الله وبركاته
كيف حالكم شباب عساكم تكونوا بصحة وعافية
باركوا لي اشتريت واخيرا جهاز wii u
انصدمت من الجهاز بعد ماجربته .. ما توقعت اني راح ادمن عليه (هههه) ما يمر يوم وإلا اشغله واخذ كم قيم , سبحان الله إنعكست الاية الولد يلعب PS3 والأب يلعب Wii u هههههههه
فعلا جهاز ممتاز لكن للاسف محارب من قبل شركات الطرف الثالث وغير كذا نينتندو ما سوقت له زين غير في اخر سنة تقريبا.

سؤالي لكم :- سمعت في احدى الحلقات يعقوب يتكلم عن اضافة هاردسك للجهاز و SD Card
كيف استخدمهم و وش النوع الممتاز اللي استخدمه ؟
واسف على الاطالة ومشكورين و قواكم الله.

السلام عليكم! شلونكم شباب؟

تهتمون حق “الاغاني المرخّصة” بالالعاب؟ مثل اغاني الرادو بـGTA V لما قالو بيضيفون 100 اغنية يديدة وايد ناس استانسو بس بالنسبة لي ما اشوف انه شي مهم. انتو شرايكم؟
(انا اقصد الاغاني. مو الساوندتراك)
وشكرا!

salam 3alekom shabab!
3a6eekom el3afya, eshlonkom?
thank Besho for the D4 vid! keep up the good work ^^
what do you think about the idea of Silent Hills being a Morpheus game? I don’t see why its not on XB1 yet? PT has slow controls that fits VR! and what will happen if its a Project Morpheus game and Besho played it and streamed it live or even just a video? will he live? ;)
THNX