(٢٠-٥-٢٠١٣) LGG ديوانية

يعطيكم العافية جميعا صراحة شغل طيب واستمتعت بلديوانية واتمنى انكم تواصلون وتكملون ^_^
بلنسبة للسؤال اعتذر انه يمكن ماكتبتة بتفاصيل لأن ماحبيت اتعبكم بهذر وكلام طويل لول

أول سؤال الساوندتراك أو الثيم
كان قصدي لعبة حبيت اغلب ساوندتراكاتها وكانت بلنسبة لك شي حلو وماينسي( اعتذر مرة ثانية انه ماكان محدد بشكل كامل )
وسؤال الجيل والقرافكس صح كلامكم وخاصة بنقطة ماينكرافت بس كان قصدي ان وايد اصادف ناس وخاصة من الناس اليدد بلقيمز مايرضون يلعبون الألعاب القديمة مثلا ايام سيقا ونينتيندو وسوني ١ وغيرهم من الاجهزة لأن القرافكس ماتوفي بلستاندرز الي حاطينة.. ومرات لما حتى اكون بمحل قاعد اشتري لعبة.. اشوف الجيل اليديد لما بيسأل عن اللعبة مرات يسألون عن القرافكس ويشوفون الصور الي تخليهم يقررون ياخذونها او لأ..
ومقصدي ان اذا كان شي سلبي.. ان مستقبلا يمكن تصب شركات وصناع الألعاب اغلب تركيزهم علقرافك علشان يشبعون حاجة الجيل اليديد ويهملون موضوع ان الألعاب بلنسبة لنا اكثر من مجرد لعبة وبس.. اهي همن ذكرى نستانس لما نذكرها ^_^
مع اني اشوف ان هلألعاب كانت ولا زالت جبارة واكثر فترة يمكن استمتعت فيها بلقيمز.
القرافيك يلعب دور لاكن جوهر اللعبة وذكراها ومتعتها اهم من كلشي
ويمكن علشان جذي سلسلة الألعاب المفضلة عندي ( من بين اكثر من سلسلة احبها ) اهي فاينل فانتسي لأن تصب القرافكس والستوري لاين والمتعة والقيم بلي والساوندتراك وغيرهم من الأشياء كله بقالب واحد هارموني
واعتذر اني طولت :P
Best of luck guys, great work!!really ^_^