جيل اللاعبين المحظوظين

سؤال هذه الحلقة:
هل انت اول من يقتني ألعاب او اجهزة معينة و لماذا؟

شاركنا بإجابتك على السؤال في قسم التعليق و سوف نذكرها في الحلقة القادمة

حيث سنقوم بتسجيلها يوم الأحد ٣٠-٣-٢٠١٤ مساءا فبإمكانكم المشاركة قبل ذلك الموعد

طلب من المشاركين: يرجى المساعدة بكتابة مشاركاتكم بالعربية حتى يسهل علينا قراءتها للمستمعين بالعربية إن أمكن و شكرا

بودكاست البعد الآخر : إقتناء الألعاب و الأجهزة في اليوم الأول arrow-right
Next post

arrow-left (٢٤-٣-٢٠١٤) LGG بودكاست ديوانية
Previous post

  • Monfmxx

    السلام عليكم
    سالفت انا انا اكون اول واحد يكون عندي اللعبه او الجهاز شي حلو بس مو وايد مهم او على حسب الحماس اذا كنت ناطر اللعبه من زمان اتوق راح اين اذا ما خذيتها مثال. مونستر هنتر ودي
    مو بس. Day 1. ابي Day-200 بالسالب لوووووول
    ويعطيكم العافيه

  • عبدالله الشريف

    السلام عليكم
    بالنسبه لي انا اذا اللعبه ما جاها تخفيض ٥٠٪ وأكثر ما اشتريها لكن المشكله في هذي الحركه ان حالات تنحرق علي خصوصا اذا اللعبه عليها هايب زي ميتل قير قراوند زيرو
    وشكرا لكم

  • Mohammad_AK

    السلام عليكم ورحمة كيف احوالكم يا شباب

    بالنسبة لسؤالكم بالنسبة للأجهزة انا ما اشتري اي جهاز منزلي او لعبة إلا بعد دراسة وانتظر واشوف انطباعات الاشخاص الأخرين, لكن بعض الاحيان الحماس على الشيء يخليني استعجل مثل ما صار معي مع جهاز البلايستشن 4 والعابه حالياً .

    ومشكورين

  • بيشو الذكي

    السلام علكيم السوال ماعحبني كان في اساله كثير افضل اشوف مارح يكون في نقاش بسال بيشو سوال من منجحك من المدرسة لهلدرجه ماتعرف تقرا اسف اذا زعلتك اعرف تزعل بسرعة الجواب اذا كنت احب العبة اكيد لاكن اجهزة لا ابي اشوف انبطعات ترا انا محمد ال

  • Mohammed Al Hussaini

    سلام شباب
    اي ولا .. على حسب الشركه .. اذا ننتندو اي لاني اثق فيهم وتجربتي سليمه .. اما بي اس ٤ طلبته من الوكيل نطرت ينزل اصدار رسمي عشان الكفاله .. اما اجهزه مايكروسوفت خذيت اصدار المصنعي الثالث من الخوف وهم احس نفسي مستعيل بنهايه.. الجواب ماحب انطر جهاز ينزل ومايكون يمي XD عل اقل نفس السنه

  • كوجيما الرجيم

    السلام عليكم بالنسبه لي اي لان ادري ماخذ الجهاز ماخذه مساله وقت فاشتريه من اول شي الا اذا كان السعر مبالغ فيه انطر

  • Ali Alkhalaf

    السلام عليكم
    أولا يعقوب شفيك زعلان؟ ترى الدنيا ما تسوى
    جواب السؤال:
    الأجهزة ما أخذها لأن الدفعات الأولى تواجه مشاكل في التصنيع و عادة ما يكون معاها ألعاب وايد فأنتظر الدفعات اللي بعدها.

    بالنسبة للألعاب فإي و لا. أيام الجامعة كنت فاضي و أختم الألعاب بسرعة و أنتظر كل الألعاب الممتازة بس تطلع و أكون مسوي لها طلب مسبق عشان ألعبها على طول. بس من إشتغلت و إنشغلت ما شريت و لا لعبة أول ما طلعت و عادة أنتظر أسبوع أو أسبوعين لأني عادة أكون ألعب لعبة ثانية. هذي القاعدة إنكسرت مع ميتل قير قراوند زيروز لأني شريتها ديجيتال أول ما طلعت بأمريكا و لعبتها قبل ما أخلص اللعبة اللي قبلها

    دمتم بخير

  • HD1990p

    السلام عليكم يا موسوعة الألعاب
    ماتدرون شكثر استفدت وما زلت أستفيد من خبرتكم وثقافتكم في الألعاب يعطيكم العافية
    بالنسبة لسؤال الحلقة فما عمري شريت جهاز من أول مانزل لأني متأثر بالمشاكل التقنية الكثيرة الي أسمعها لذلك أفضّل أنتظر فترة
    أما الألعاب فاللعبة الوحيدة الي أذكر أني من أوائل الي اقتنوها في المنطقة كانت قيرز اوف وار 3 ليميتد ايدشن وهي اللعبة الوحيدة الي أملكها نسخة خاصة.. أذكر أني شريتها ب500 ريال يعني نصبه قوية ومن بعدها صرت أنتظر أسعار السوق اذا كانت مناسبة أشتري اللعبة.
    ملاحظة: أنا شاركت من قبل لكن بأسماء مختلفة لكن راح أضل على HD1990p لأنه اسمي القيمري وشكراً لكم

  • مساعد البشري

    ياحبني لكم والله ، انبسطت بحلقة الديوانيه لاني كنت محوشها عشان كنت بسافر الرياض بالساره طبعاً تبعد عني ٥٠٠ كيلو والحلقه طولها كان ع الطلب انبسطت برفقتكم
    والموضوع جميل متحمس ، انا شريت لعبة فاينال ١٣ اول مانزلت ماكنت اتوقع احصلها باول يوم لان وقتها كنت في منطقه نائيه وابتزني راعي المحل بسعر ينرفز بس ماقدرت اقاوم واخذتها وبعدها بكم يوم رجع سعرها للوضع الطبيعي وعرفت اني صيده ” على قولتكم”
    واللعبه الثانيه لاست اوف اس لانها نزلت بدري وماقدرت اقاوم حماسي للأسف
    هذي مشاركتي واشكركم اشكركم ع الحلقات الرائعه وتراا احب الحلقات الطويله ، استمروا وامتعونا

  • Mohammed Aldosari

    السلام عليكم شباب

    حلوة كولكشن الألعاب إلي وراك يا يعقوب

    بالنسبة للأجهزة فلأ، ما عمري شريت جهاز من أول يوم و السبب زي ما ذكرو الشباب قبل.

    أما الألعاب فتصير لي أحيانا إذا في لعبة متحمس لها نزلت في فترة عطلة أو فترة تكون ضغوط الدراسة فيها قليلة. مثال عليها كان the last of us و lightning returns FF13 و zelda a link between worlds

    أحيانا أكون فان كبير لسلسة معينة و في هذي الحالة لازم أكون من أوائل الناس اللي تحصل على اللعبة بدري حتى لو كنت مشغول وقتها والمثال الوحيد على هذا سماش..

  • Mubarak Alsharrad

    السلام عليكم! شلونكم شباب؟
    بالنسبه لي اغلب العاب الـAAA الكبيره اخذها اول ماتنزل. اما العاب الاندي او الالعاب الاركيدية اخذها اذا ماعندي شي العبه
    بالنسبه حق الاجهزة نادر اخذها اول ماتنزل

    وشكراً

  • نايف

    السلام عليكم , كيف حالكم
    سؤال بسيط , هل غلاف اللعبة مهم في نجاحها ( بغض النظر عن التسويق ) ؟ وشكرا

  • ALNJBY

    السلام عليكم
    شخباركم يالربع؟!
    والله بصراحه انا أحب آخذ الشي اول ما ينزل…بس بصراحه في لمتس هالايام…بصراحه الواحد لما يتزوج راح يطحس و يتوهق بالفلوس لانهم راح يطيرووووون من اول چم يوم معاش و المتزوجين راح يفهموني عدل …فهالشي خلاني أمسك ايدي شوي و أنطر عالالعاب و الاجهزه…و هم حركات مجمع تل أبيب(الرحاب) لما يرفعون سعر الالعاب و الاجهزه بشكل خيالي…هالشي يخليني أفكر قبل لا آخذ الشي…مع اني وايد خذيت أشياء و إنقص علي بس مرات اقول عادي …تحوشني حكه مرات اذا شفت لعبه جدامي و ما خذيتها…الادمان و ما يسوي
    يعطيكم العافيه

  • َdhari Q8

    السلام عليكم ورحمة الله وبركاته , الحلقة كانت حيل مفيدة الاحد الي طاف حلوه فكرتها و مشاركتكم لنا بالاراء الخاصة والنصايح الطيبة منكم شرف لنا كمتابعين الصراحة وانا اكتب تعليقي هذا انا خايف من يعقوب يعصب لان عندي سؤال خارج الجو وهو ليش تختارون يوم ” الاحد ” للبث الاذاعي ؟ و الجواب اختياري :Pp
    يوم الاحد الي طاف عرقت لما سمعت بيشو يقرا سؤالي لان بيشو بالقراءه ” غرز ” اكثر من مره في تعليقي :Pp

    و مشاركتي بالنسبة للالعاب احب اسمع راي الناس قبل الشراء و اسمع انتقادات اكثر عشان لا اشتري لعبه و اتحسف , اما للاجهزة الصراحة احب اكون من الاوائل الي يشترون الاجهزه لان ما انسا ذاك اليوم الي نزلت السوني ون! ملمس السوني ون كان خيال طبعا انطباعي او ردت فعلي ما اقدر اوصفها كافي كااافي ريحت البلاستك كان ادمان! الله يكون في عونا عشان ننطر الحلقة 0.0

  • كوجي كابوتو الموسوي

    كوجي كابوتو الموسوي
    سلللللاااام عليكم
    جيييف الحال. ؟
    والله يعتمد .. اهو احساس حلو تنطر طابور وتبي تستلمه بس اذا سعر ناري .. افضل الانتظار ولا اكون صيده لوول ” كول اوف ديوتي الرحاب”

  • أحمد العوفي

    هلا هلا بالطيبين
    أقدر أقول اني راعي داي ون لان مستحيل تنزل لعبة أبغاها (أهم نقطة في اني لازم أكون متحمس لها) وما أشتريها داي ون الا اذ جت على وقت طفرة
    أما على الاجهزة نفس الحالة